Lukaşenko Rusiyaya müharibə aparmağa necə kömək edir?

...Belarus raket istehsalında Rusiyaya fəal şəkildə kömək etməyə davam edir.

Rusiyanın 24 mayda Bila Tserkva yaxınlığında vurduğu "İskəndər-M" və "Oreşnik" kasetli raketlərinin tədqiqatları məhz bunu ortaya qoydu.

SİA xəbər verir ki, bunu Ukrayna Prezidentinin Sanksiyalar Siyasəti üzrə Komissarı Vladislav Vlasyuk bildirib.

Ukrayna Prezidentinin nümayəndəsi bildirib ki, Moskva öz və Belarus komponentlərinə güvənərək silah istehsalını fəal şəkildə artırır.

Məsələn, onun sözlərinə görə, Ukrayna mütəxəssisləri tərəfindən araşdırılan "Oreşnik" raketindəki bütün müəyyən edilmiş komponentlər yalnız Rusiya və Belarus zavodları tərəfindən istehsal olunub.

Vlasyuk bildirib ki, "Belarus istehsalçılarının, ilk növbədə məhsulları müasir Rusiya raketlərində müntəzəm olaraq tapılan İnteqral və Transistor zavodunun rolu xüsusilə aşkardır".

Onun sözlərinə görə, "Oreşnik" raketindəki komponentlərin yarıdan çoxu 2023-2024-cü illərdə istehsal olunub və bəzi komponentlərin tarixi 2025-ci ilə gedib çıxır.

"İskəndər-M" kaset sursatında Belarusda istehsal olunanlar, eləcə də ABŞ, Tayvan, İsveçrə, Yaponiya və Çindən olanlar da daxil olmaqla, son dövrlərdə istehsal olunmuş komponentlərin xeyli hissəsi də tapılıb.

...Bu tədqiqatların ən vacib nəticəsi odur ki, Rusiya raket istehsalı davam edir. Yeni komponentlər, Belarus şirkətlərinin iştirakı və müəyyən xarici texnologiyaların hələ də Rusiya silahlarına yol tapdığını görürük, - deyə Vlasyuk vurğulayıb.

Əli Babayev