Panamada Rusiya ordusuna əsgər qəbulu ilə bağlı qalmaqal yaranıb

...Panama hakimiyyəti Rusiya ilə Ukrayna arasındakı müharibədə döyüşmək üçün ən azı 15 Panama vətəndaşının cəlb olunduğunu bildirib.

Rəsmi məlumatlara görə, bir panamalı həlak olub, bir neçə nəfər isə itkin düşüb.

SİA-nın əldə etdiyi məlumata görə, bu barədə "Le Figaro" qəzeti yazıb.

Panamanın xarici işlər naziri vəzifəsini icra edən Karlos Arturo Hoyos bildirib ki, 2025-ci ildən bəri cəlb etmə halları qeydə alınıb.

Lakin o, Panama vətəndaşlarının hansı tərəfdə vuruşduğunu dəqiqləşdirməyib. Bəzi könüllülər potensial nəticələri başa düşərək bilərəkdən müqavilələr imzalayıblar. Lakin digərləri aldadılmış ola bilər. Guya onlara təhlükəsizlik işçisi və ya tikinti texnikası sürücüsü kimi iş vəd edilib, halbuki əslində onlar döyüş zonalarına göndəriliblər.

…Bu, ölümcül bir riskdir, - deyə Hoyos vətəndaşları son dərəcə ehtiyatlı olmağa çağıraraq xəbərdarlıq edib. Panamanın Prezident Naziri Xuan Karlos Aurillak hadisəni "rüsvayçılıq" adlandırıb və Panama hakimiyyətinin vətəndaşlarının cəlb olunmasında heç bir iştirakının olmadığını vurğulayıb.

Onun sözlərinə görə, dövlət bu cür sxemləri dəstəkləmir və hadisənin bütün hallarını araşdırmaq niyyətindədir.

Panama Baş Prokurorluğu itkin düşmüş vətəndaşların qohumlarının müraciətlərindən sonra artıq iki araşdırmaya başlayıb.

Eyni zamanda, Xarici İşlər Nazirliyi işə götürülmüş panamalıların taleyini müəyyən etmək və əlavə məlumat əldə etmək üçün Rusiya və Ukrayna səfirliklərinə sorğular göndərib.

Bu məsələ Moskva və Kiyev nümayəndələri ilə də müzakirə olunub. Rusiya tərəfi bütün əcnəbilərin könüllü olaraq müqavilələr imzaladığını bildirib.

…Panama hakimiyyəti vətəndaşları xaricdəki iş təkliflərinə qarşı ehtiyatlı olmağa və işəgötürənləri hərtərəfli yoxlamağa çağırır, çünki bu cür vakansiyalar silahlı münaqişə üçün işə qəbul üçün örtük ola bilər, - deyə nəşr yazır.

Əli Babayev