Bu dəfə İvanişvilinin hakimiyyəti bitdi

Gürcüstanın sabiq prezidenti Mixail Saakaşvili payızda öz ölkəsinə qayıtmaq niyyətindədir. SİA xarici mətbuata istinadən xəbər verir ki, bu haqda Saakaşvili video müraciət yayıb. Video müraciətində Saakaşvili bunları deyib: "Gürcüstan xalqı layiqli bir həyat istəyir və yoxsulluğun aradan qaldırılmasını tələb edir. Xalq bataqlıqda, yoxsulluqda, ümidsiz vəziyyətdə yaşamaqdan yorulub, insanlara verilən yeganə perspektiv ölkədən getməkdir. Bu seçkilər zamanı millətim və ölkəm qarşısında götürdüyüm borcumu yerinə yetirəcəyəm, bu dəfə vətəndaş referendumundan əvvəl Gürcüstana gələcəyəm. İvanişvili bu dəfə gürcü xalqını tapdalaya bilməyəcək, hakimiyyəti bitdi".