BMT Əfqanıstana 1,2 milyard dollar verəcək

Əfqanıstan inkişaf üçün BMT -dən 1,2 milyard dollardan çox alacaq. Sentyabrın 13-də, Cenevrədə keçirilən BMT konfransı zamanı, iştirakçılar Əfqanıstana inkişaf layihələri və humanitar yardım olaraq 1,2 milyard dollardan çox vəsait ayırmaq barədə razılığa gəldilər.

Qeyd edək ki, bu barədə məlumatı təşkilatın baş katibinin müavini Martin Qriffits verib.

Rusiyanın “Moskovskiy kosomolets” nəşri xəbər verir ki, konfrans iştirakçıları böyük səxavət nümayiş etdirdilər, buna görə də tədbirin nəticələri ürəkaçan görünür.

Qeyd edək ki, BMT baş katibinin müavini toplanan vəsaitin əfqanlar üçün ən çətin dövrdə onlara kömək edəcəyinə əminlik bildirib.

Ağasəf