İranda etirazlar səngimək bilmir

İranda 22 yaşlı Məhsa Əminin "çadra qaydalarına əməl etmədiyi" səbəbi ilə saxlanıldıqdan sonra ölümündən sonra başlayan nümayişlər davam edir. SİA xəbər verir ki, Tehranın şimal-qərbində yerləşən Qəzvin vilayətində keçirilən nümayişlər zamanı etirazçılar küçələrdəki zibil qablarını yandırıb və ölkə liderlərinin əleyhinə şüarlar səsləndiriblər.Nümayişçilərdən bəzilərinin küçədə bir polis mikroavtobusu və avtomobili yandırdığı bildirilib. Motosiklet patrulları ilə hadisə yerinə gələn polis və rejim tərəfdarı Besiç üzvlərinin dəyənək və gözyaşardıcı qazdan istifadə edərək etirazçıları dağıtdığı, çox sayda adamın nəzarətə alındığı bildirilib. Rəşt şəhərində keçirilən nümayişlər zamanı polislə etirazçılar arasında şiddətli toqquşma olub. Bəzi nümayişçilərin 2 bank filialını dağıtması və İmam Musa Kazim məscidini yandırması ilə bağlı videolar yayılıb. Görüntülərdə nümayişçilərin polis maşınına od vurması və təcili yardımı məhv etməsi də var. Sosial şəbəkələrdə fəallar saxlanılaraq təcili yardım maşınında saxlanılan nümayişçilərin xilas edildiyini iddia ediblər.

sia.az