Böyük bir xəzinə, kiçik bir kənddə - ŞEİR

Şair Azaflı

Buzlu bulaqlardan, sıra dağlardan

Daha da canlıdır elmin, Azaflı.

Adi ağ vərəqə yazdığın şeir,

Canlı bir həyatdır, canım, Azaflı.

Kəlbəcər, Daşkəsən, Gəncə mahalı,

Çox obalar gəzib ilham almısan.

Qüssə də çəkmisən, eybi yox, nədən,

Xalqın deyir sənə, şair Azaflı.

Böyük bir xəzinə, kiçik bir kənddə,

Bəşər heyran qalıb belə qüdrətə.

Muncuqlu, Çeşməli, o gözəl-dərə,

Bilsinlər yetirib Loğman Azaflı.

Heç vaxt tükənməzdir, şeir xəzinəni,

Güldən ətirlidir hər sadə kəlməni.

Deyir Ana Vətən, o doğma dərənin,

Biz nə qədər varıq vardır Azaflı.

Eləmə şikayət ağaran saçan,

Yüksək zirvələr də ağ hər an.

Həmişə cavandır Azaflı yazan,

Dünyada qocalmaz haqqa düz olan.

TOVUZUM

Haqqın dərgahında hər an andığım

Laləli, nərgizli gülşən Tovuzum

Gəlib keçmişinə nəzər saldığım

Şairlər, igidlər yurdu Tovuzum

Şəmşəddil adında böyük bir mahal

Bir yan Torpaq qala, bir yan Qazan göl

Hüsnünə gözəllik o Ceyranlı göl

Nə qədər gözəlsən gözəl Tovuzum

Xalqında gözəldir, namuslu halal

İnciməz adından cahan Tovuzum

Yanıqlı dağında Sal-Sal pəhləvan

Tarixlər dünyası quran Tovuzum

Qoynunda yaranmış o Qoca Qartal

Kiçik bir şeirdən böyük iftixar

Azafli babamız düşünüb durar

Hər iki dünyada yaşar Tovuzum

Eşqinlə yazdığım böyük bir əsər

Qəlbinə ruh verər hər axsam səhər

Öpər torpağından İbn-Abuzər

Nə yaxşı ki, varsan bəşər Tovuzum

TELMAN ABUZƏR