İnsanlıq dəyərlərinə verilən ali qiymət - ŞƏRH

“Zayed İnsan Qardaşlığı Mükafatı” kimi nüfuzlu və beynəlxalq miqyasda böyük hörmət qazanan bir mükafata layiq görülmək mənim üçün misilsiz şərəfdir. Bu mükafat yalnız fərdi uğurun deyil, eyni zamanda insanlıq, tolerantlıq, qarşılıqlı hörmət və sülh dəyərlərinin təntənəsinin rəmzidir.

Adını Birləşmiş Ərəb Əmirliklərinin qurucusu, uzaqgörən dövlət xadimi Şeyx Zayed bin Sultan Al Nəhyanın irsindən alan bu mükafat, xalqlar və mədəniyyətlər arasında körpülər qurmağı, insan qardaşlığını möhkəmləndirməyi əsas məqsəd kimi qarşıya qoyur. Bu ali mükafata layiq görülmək göstərilən səylərin və görülən işlərin beynəlxalq səviyyədə yüksək qiymətləndirildiyini bir daha təsdiqləyir.

“Zayed İnsan Qardaşlığı Mükafatı” həm də böyük məsuliyyətdir. Bu etimad gələcəkdə də insanları birləşdirən, sülhə, dialoqa və qarşılıqlı anlaşmaya xidmət edən fəaliyyətləri daha böyük əzmlə davam etdirməyə stimul verir. İnanıram ki, bu mükafat insanlıq naminə atılan addımların daha geniş miqyasda yayılmasına və davamlı sülhə töhfə verəcək.

Arif Qasımov

YAP Sədərək rayon təşkilatının sədri