Bizim çox etibarlı tərəfdaş olduğumuza dair etibarlı portfelimiz var - ŞƏRH

Bakıda reallaşan II Azərbaycan Beynəlxalq İnvestisiya Forumu ölkənin iqtisadi inkişaf xəritəsində mühüm mərhələlərdən birinə çevrildi. Qlobal maliyyə nəhənglərinin, beynəlxalq investisiya fondlarının və aparıcı transmilli şirkət rəhbərlərinin bir araya gəldiyi bu mötəbər tədbirdə Azərbaycan Respublikasının Prezidenti İlham Əliyev geniş və əhatəli çıxış edərək ölkənin gələcək iqtisadi baxışını, investisiya prioriteti olan sahələri və qlobal çağırışlara cavab strategiyasını təqdim etdi.Forum çərçivəsində keçirilən xüsusi paneldə “Global Infrastructure Partners” şirkətinin sədri və “OpenAI”ın İdarə Heyətinin üzvü Adebayo Ogunlesi ilə interaktiv dialoq formasında baş tutan bu çıxış, Azərbaycanın ənənəvi resurs iqtisadiyyatından bilik, texnologiya və "yaşıl enerji"yə əsaslanan davamlı inkişaf modelinə keçidini nümayiş etdirdi.
Cənab Prezident çıxışının başında Azərbaycanın son dekadalarda keçdiyi mürəkkəb, lakin uğurlu iqtisadi yola diqqət çəkdi. Ölkənin müstəqilliyinin ilk illərində üzləşdiyi iqtisadi çətinliklərdən bu gün trilyonlarla dollarlıq qlobal kapitalı cəlb edən mərkəzə çevrilməsi təsadüfi deyil.Son illər ərzində ölkə ÜDM-inin dəfələrlə artması, yoxsulluq səviyyəsinin 45%-dən 5%-dən aşağı enməsi və strateji valyuta ehtiyatlarının kəskin piq səviyyəsinə çatması daxili sabitliyin əsas göstəricisi kimi qiymətləndirildi. Azərbaycanın xarici dövlət borcunun ÜDM-ə olan nisbətinin minimum həddə saxlanılması ölkənin maliyyə müstəqilliyini və xarici şoklara qarşı davamlılığını təmin edən mühüm amillərdən biridir.
Cənab Prezident İlham Əliyev vurğuladı ki, məhz bu sabitlik və güclü suveren fond (ARDNF) gələcək strateji layihələrin həyata keçirilməsi üçün möhkəm baza rolunu oynayır.
Dövlət başçısının çıxışın ən mühüm hissəsini ölkə iqtisadiyyatının şaxələndirilməsi və yeni nəsil investisiya sahələri təşkil etdi:
Azərbaycan Avropanın və regionun enerjisi təchizatında yalnız karbohidrogenlərlə deyil, həm də bərpaolunan enerji ilə aparıcı rola sahib olmağı hədəfləyir.Təkcə Xəzər dənizinin Azərbaycan sektorunda 157 giqavatlıq külək enerjisi potensialı mövcuddur.Azad edilmiş ərazilərdə (Qarabağ və Şərqi Zəngəzur) və Naxçıvanda günəş, külək və su elektrik stansiyalarının tikintisi sürətləndirilir.İstehsal olunan elektrik enerjisinin daxili tələbatla yanaşı, xüsusi Qara dəniz sualtı kabeli və digər dəhlizlər vasitəsilə Avropaya ixracı prioritetdir. Elektrik enerjisinin bol və sabit olması ölkədə Data Mərkəzləri və Süni İntellekt (AI) infrastrukturlarının qurulması üçün zəmin yaradır. Azərbaycan bu sahədə regional haba çevrilmək iddiasındadır.
Şərq-Qərb və Şimal-Cənub nəqliyyat dəhlizlərinin kəsişməsində yerləşən Azərbaycan tranzit yükdaşımalarının həcmini dəfələrlə artırmağı planlaşdırır. Bakı Beynəlxalq Dəniz Ticarət Limanının genişləndirilməsi, demir yolu şəbəkələrinin modernləşdirilməsi və Zəngəzur dəhlizi kimi layihələr xarici investorlar üçün strateji imkanlar açır.
Cənab Prezident İlham Əliyev forumda iştirak edən, ümumilikdə 30 trilyon dollardan çox aktivləri idarə edən qlobal investorlara və maliyyə institutlarına birbaşa müraciət edərək onları Azərbaycandakı imkanlardan yararlanmağa çağırdı:Xarici kapitalın qorunmasının və proqnozlaşdırılan hüquqi mühitin mövcudluğunun əsas zəmanəti ölkədəki sabitlikdir.Dövlət irimiqyaslı layihələrdə xarici investorlarla birgə riskləri bölüşməyə və şəffaflığı təmin etməyə hazırdır.Biznesin idarə edilməsi, lisenziyalaşdırma və vergi mexanizmlərinin sadələşdirilməsi investor məmnuniyyətini artıran əsas alətlərdəndir.
Cənab Prezident II Azərbaycan Beynəlxalq İnvestisiya Forumundakı çıxışı ölkənin yaxın dekadalar üçün nəzərdə tutulmuş iqtisadi yol xəritəsini aydın şəkildə nümayiş etdirdi. Azərbaycan artıq yalnız xammal ixrac edən ölkə deyil, həm də "yaşıl" texnologiyaları tətbiq edən, qlobal nəqliyyat zəncirinin həlledici halqasına çevrilən və yüksək əlavə dəyər yaradan sahələrə investisiya cəlb edən regional liderdir.
Forum çərçivəsində imzalanan çoxmilyardlıq müqavilələr və anlaşma memorandumları dövlət başçısının təqdim etdiyi bu strategiyanın beynəlxalq maliyyə dairələri tərəfindən yüksək etimadla qarşılandığını bir daha sübut etdi
Müasir iş dünyasında uğurun əsas şərtlərindən biri düzgün tərəfdaş seçimi və qarşılıqlı etimaddır. Güclü və etibarlı tərəfdaşlıq münasibətləri şirkətlərin davamlı inkişafını təmin etməklə yanaşı, yeni imkanların yaranmasına da zəmin yaradır.
Cənab Prezident bildirmişdir ki, biznesdə reputasiya qazanmaq illərlə gərgin əmək tələb edir, lakin onu itirmək bir anın məsələsidir. Etibarlı tərəfdaş olduğunu real işlərlə, uğurla tamamlanmış layihələrlə və zəngin portfel ilə sübut edən dövlətlər hər zaman bazarda öz mövqelərini qoruyub saxlayırlar. Dürüstlük, peşəkarlıq və davamlı keyfiyyət üzərində qurulmuş portfel — gələcək böyük uğurların, yeni imkanların və uzunmüddətli tərəfdaşlıqların ən etibarlı zəmanətidir. Bu gün ölkəmizlə tərəfdaşlıq və əməkdaşlıq etmək istəyən dövlətlərin sayının günü – gündən artması cənab Prezident İlham Əliyevin apardığı ardıcıl və sistemli xarici siyasətinin nəticəsidir.

Əlağa Ağayev
YAP Xocalı rayon təşkilatının sədr müavini