Uşağınız məktəbə getmək istəmirsə bunları edin

Valideynlərin uşaqları ilə səmərəli vaxt keçirmələrinin məktəb sevgisinə və uğurlarına yansıyacağını ifadə edən türk pedaqoq Abdulkadir Özbek, mövzu ilə bağlı təkliflər verib. SİA-nın xarici mətbuata istinadən verdiyi məlumata görə, yeni bir məktəb dövrünə başlamaq, əksər uşaqlar üçün həyəcanvericidir. Lakin, məktəbi nə qədər sevdiklərindən asılı olmayaraq, uşaqlar narahatlıq səviyyələrində artım yaşayırlar.
Valideynlər üçün də çox çətin ola bilər.

Təbii ki, ağlayan uşağı bağçaya qoymaq və ya çaxnaşmaya düşmüş birinci sinif şagirdini avtobusa məcbur mindirmək heç kimə rahatlıq vermir. Xüsusilə pandemiyadan sonra evə alışan uşaqlar üçün məktəbə getməyə alışmaq çox çətin bir vəziyyətdir.

Səmərəli vaxt keçirmək, onların daha ahəngdar və xoşbəxt uşaq olmalarına kömək edir. Eyni zamanda, akademik uğurlarının artmasında və məktəbə sevinclə getmələrində böyük rol oynayır. Bir çox araşdırmalar ailə ilə səmərəli vaxt keçirmənin akademik uğurla müsbət əlaqəli olduğunu göstərib.

Bu səbəbdən evdə qalmağa alışmış uşaqların bu müddətdə valideynləri ilə keyfiyyətli vaxt keçirmələri lazımdır. Bu vaxt, məktəbdəki uğurlarına ən böyük töhfədir. Buna görə dayanmadan uşaqlarınızla oynamağa ehtiyac yoxdur. Bütün gün girdiyiniz fərqli əhval-ruhiyyələr haqqında düşünün. Uşaqlarınızla birlikdə olduğunuz müddətdə stresli olanda uşaq stresi hiss edəcək və narahat olacaq. Önəmli olan, bir-birinizlə xoşbəxt olacağınız və səmərəli vaxt keçirə biləcəyiniz zamanı seçməkdir.
Valideyn övladlarının məktəbə getməməsinə müqavimət göstərdikdə, edə biləcəkləri ən vacib şey onsuz da onları məktəbə göndərməkdir. Bu çətin ola bilər, ancaq uşaqları narahat edən vəziyyətlərdən qaçmağa icazə versək, bu vəziyyətlərin həqiqətən təhlükəli və ya qorxulu olduğunu tədricən gücləndirə bilərik. Evdə keçirdikləri vaxt onlara güvən verdikcə və münasibət pozitiv qurulduqca uşağınız səhər məktəbə gedərkən evdən ayrılma qorxusu yaşamayacaq. Ancaq uşaqlar narahat olmağa və şikayət etməyə davam edərsə, narahatlığa səbəb ola biləcək şeyləri araşdırmaq da vacibdir.

Rüqəyya Orucova