Rusiyada ərzaq tükənir - Son 15 ildə ilk dəfə

Rusiya vətəndaşları getdikcə "ləzzətli yeməklərdən" imtina edir və daha sadə qidaları seçir, ilk növbədə satışda olan malları alırlar. 2009-cu ildən bəri ilk dəfə olaraq Rusiyada ərzaq istehsalı əhalinin ərzağa qənaət etməsi səbəbindən azalıb. Forbes-in istinad etdiyi Rosstat məlumatlarına görə, yanvar-sentyabr aylarında qida istehsalı illik müqayisədə 0,6%, içki istehsalı isə 4,1% azalıb.

Ruslar həm az almaqla, həm də ucuz məhsullara keçməklə qənaət etməyə başlayıblar.

Eyni zamanda analitiklər hesablayıblar ki, qida istehsalı sahəsində yeni investisiya layihələrinin sayı 2025-ci ilin ilk 11 ayı ərzində keçən ilin eyni dövrü ilə müqayisədə 46% azalıb. Noyabrın sonuna ümumi investisiyalar bir il əvvəl 194,6 milyard ilə müqayisədə 104,7 milyard rubl təşkil edib.

INFOLine-a görə, qida sektorunda investisiya fəaliyyəti mahiyyət etibarı ilə 2013-cü ilin səviyyəsinə - ərzaq embarqosundan əvvəlki son ilə qayıdıb. Eyni zamanda, müəssisələrin borc yükü kəskin şəkildə artıb: 2025-ci il oktyabrın 1-nə bank kreditlərinin ümumi borcu 9% artaraq 1,87 trilyon rubla, vaxtı keçmiş borcların payı isə 2,7% artıb.

Rusiyada ərzaq istehsalının azalması ümumi iqtisadi problemlərlə - işçi qüvvəsi çatışmazlığı, inflyasiyanın sürətlənməsi, kreditor borclarının artması, yüksək faiz dərəcəsi və rusların yığım modelinə keçməsi ilə əlaqələndirilir. Analitiklər izah edirlər ki, istehlakçılar getdikcə “ləzzətli qidalar”dan üz döndərərək daha sadə qidalara üstünlük verirlər, ilk növbədə satışda olan malları alırlar və daha ucuz qiymətlər axtarmaq üçün endirimlərə üz tuturlar.

VƏLİ