Kremlə inam azalır...

...Rusiyada ictimaiyyət Putinin rəhbərliyi altında parlaq gələcəyə inamını getdikcə itirir.

SİA xəbər verir ki, Dialog.UA-nın məlumatına görə, Ukraynaya qarşı genişmiqyaslı müharibənin başlanğıcında alovlanan vətənpərvərlik dalğası gözümüzün önündə yox olur. Rusiya Federasiyası Mərkəzi Bankının son sorğusuna görə, 2026-cı ilin yanvar ayında ölkənin bir il qabaqdakı inkişafı ilə bağlı gözləntilər indeksi 107 bala düşüb - bu, 2022-ci ilin sonundan bəri ən pis göstəricidir.

Beş illik proqnozlar (109 bal) və şəxsi rifah (104 bal) ilə vəziyyət oxşardır. Bunların hamısı üç illik minimum göstəricilərdir. 2022-ci ilin fevral ayında işğaldan dərhal sonra ictimai əhval-ruhiyyə yüksəldi: ruslar tez bir qələbəyə və iqtisadi çiçəklənməyə inanırdılar.

Lakin reallıq əksinə oldu: vergilərin davamlı artması, inflyasiya və böyük itkilərlə uzunmüddətli müharibə...

Təcavüzkar ölkənin Mərkəzi Bankının apardığı sorğu göstərib ki, sakinlərin 28 faizi maliyyə vəziyyətlərinin pisləşməsindən şikayətlənir, 53 faizi isə "dəli"" qiymət artımlarından "şoka düşüb".

Ən böyük qiymət artımları ət və quş ətində müşahidə olunub – 48 faiz, balıq və dəniz məhsullarında 38 faiz, meyvə-tərəvəzdə isə 35 faiz.

Kommunal xidmətlərdə isə 36 faiz artım müşahidə olunub. Putin iqtisadiyyata nəzarəti saxlamağa çalışır, lakin rəqəmlər öz sözünü deyir.

Vətəndaşlar müəyyən bir nöqtəyə qədər kəmərlərini sıxmağa hazırdırlar, lakin uzun müddətdir heç bir əhəmiyyətli qələbənin və ya hətta ən kiçik perspektivin olmaması sosial əhval-ruhiyyəni tez bir zamanda dəyişir.

Əli Babayev