Zəngəzur Kombinatı 2026-cı ilin birinci yarısında Ermənistanın ən böyük vergi ödəyicisi olub

Zəngəzur Mis və Molibden Zavodu 2026-cı ilin birinci yarısında ən böyük vergi ödəyicilərinin siyahısına başçılıq edib.

SİA xarici KİV-ə istinadən xəbər verir ki, bu barədə Ermənistan Dövlət Gəlirləri Komitəsi məlumat verib.

Məlumata görə, zavod büdcəyə 41,6 milyard dram (113,7 milyon dollar) ödəyib.

Mobil cihaz satıcısı Mobile Centre Art birinci rüblə müqayisədə ikinci yerə düşərək büdcəyə 38,16 milyard dram (104,3 milyon dollar) ödəyib.

Ardshinbank 33,6 milyard dram (91,8 milyon dollar) ödənişlə ilk üçlüyü tamamlayıb.

Qaz operatoru Gazprom Armenia təxminən 31,5 milyard dram (86 milyon dollar) ödəyərək dördüncü yerdə qərarlaşıb.

Grand Tobacco tütün fabriki 28,96 milyard dram və ya 79 milyon dollar ödənişlə siyahıda beşinci yeri tutub.

Ameriabank 22,15 milyard dram və ya 60,5 milyon dollarla altıncı yeri tutub.

İT şirkəti Dijitain ümumi ödənişləri 17,9 milyard dram və ya 48,9 milyon dollarla yeddinci yeri tutub.

Səkkizinci yerdə 17,5 milyard dram (47,8 milyon dollar) ilə Soft Construct qumar şirkəti qərarlaşıb.

Doqquzuncu yerdə 15,7 milyard dram (42,9 milyon dollar) ilə Kapan Mədən və Emalı Zavodu qərarlaşıb.

Onuncu yerdə büdcəyə 13,9 milyard dram (42,9 milyon dollar) ödəyən Imvbam (Wildberries) qərarlaşıb.

Qeyd etmək lazımdır ki, ZMMK 1,5 illik fasilədən sonra birinci yeri tutub.

Qeyd etmək lazımdır ki, mobil texnologiya pərakəndə satış şirkəti Mobile Centre Art 2026-cı ilin birinci rübünün nəticələrinə əsasən siyahının lideri olub.