Azərbaycan Respublikası Mədəniyyət Nazirliyi və Azərbaycan Respublikasının Kino Agentliyinin təşkilatçılığı ilə 20-23 iyul tarixlərində ölkəmizdə Özbəkistan Kinosu Günləri keçiriləcək. Nazirlikdən SİA-ya verilən məlumata görə, bu münasibətlə Özbəkistan Respublikası mədəniyyət nazirinin müavini Avazxon Tadjixanov və "Özbəkkino" Milli Agentliyi baş direktorunun müavini Əlişer Xocayevin rəhbərlik etdiyi nümayəndə heyəti ölkəmizə səfərə gələcək.
İyulun 20-i saat 19:00-da Nizami Kino Mərkəzində kino günlərinin açılış mərasimi keçiriləcək. Mərasimdə "Evrilish" ("Təkamül") bədii filmi nümayiş olunacaq.
Kinosevərlər iyulun 21-də saat 14:00-da "Yasha, xotin" ("Yaşa, arvad"), 16:00-da "Sudya" ("Hakim") filmlərini izləyəcəklər.
İyulun 23-də, sonuncu gün saat 11:00-da "Baxodir" ("Bahadır") filmi göstəriləcək. Seanslara giriş sərbəstdir.
© 2002-2021, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Ünvan: Ü. Hacıbəyov küçəsi, 32; Bakı, Azərbaycan
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV Təsisçi: “Əlincə“ Azərbaycan Xeyriyyə Cəmiyyəti
"Səs" qəzeti "AzərTac", "AZADINFORUM", və "APA" agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
