“Dövlət büdcəsi bu ildə sosialyönülü olacaq” - MÜNASİBƏT

“Əvvəlki illərdə olduğu kimi, dövlət büdcəsi bu ildə daha çox sosialyönülü büdcə adlandırmaq olar. Eyni zamanda, bu büdcədə daha çox vəsaitin ölkənin milli təhlükəsizliyinə və hərbi xərcləri daha çox üstünlük təşkil etdiyini görərik. Digər bir istiqamət təhsilə yönəlik xərclər kifayət qədər yuxarıdır”. Bunu SİA-ya açıqlamasında iqtisadçı Eldəniz Əmirov deyib. Onun sözlərinə görə, sosial təminat məsələlərinə yönəlmiş xərclər kifayət qədər yuxarıdır, səhiyyəyə ayrılan vəsait ümumi büdcə xərclərinin 5 faizdən də bir qədər artığını tutur ki, bu da 1,8 milyard manatlıq bir vəsaitdir. Yəni göründüyü kimi, əvvəlki büdcə ilə müqayisədə builki büdcədə hər hansı ciddi dəyişiklik yoxdur. Sadəcə müəyyən istiqamətlər üzrə xərclərin artırıldığı biz müşahidə edirdik. Bu da daha çox işğaldan azad olunmuş ərazilərimizə hədəfin fokuslanmasından ibarətdir”.

Müəllif: Gülyana