Alman-Azərbaycan Xarici Ticarət Palatasında vergi qanunvericiliyində dəyişiklik müzakirə edilib

Alman – Azərbaycan Xarici Ticarət Palatasının Vergi, gömrük və hüquq məsələləri üzrə işçi qrupunun növbəti görüşü keçirilib. SİA İqtisadiyyat Nazirliyi yanında Dövlət Vergi Xidmətinə istinadən xəbər verir ki, görüşdə DVX-nın nümayəndələri də iştirak edib.Məlumata görə, tədbirdə büdcə-vergi siyasəti çərçivəsində vergi qanunvericiliyində həyata keçirilən dəyişikliklər barədə müzakirələr aparılıb. İşçi qrupun iclasında İqtisadiyyat Nazirliyi yanında Dövlət Vergi Xidmətinin Vergi siyasəti baş idarəsinin idarə rəisi Rəşad Nuriyev və şöbə rəisi Eldar Mədətov iştirak ediblər.DVX nümayəndələri Vergi Məcəlləsinə edilmiş dəyişikliklər barədə iştirakçılara ətraflı məlumat verib, investisiya mühitinin və sahibkarlıq fəaliyyətinin təşviqi, sahibkarlıq subyektlərinin vergi yükünün azaldılması, vergi inzibatçılığının təkmilləşdirilməsi, vergi nəzarəti mexanizmləri, beynəlxalq reytinqlərdə Azərbaycanın mövqeyinin yaxşılaşdırılmasına dair qarşıya qoyulan məqsədlər barədə danışıblar.Görüş zamanı ölkədə biznes mühitinin təkmilləşdirilməsi və vergi qanunvericiliyinin müasir tələblərə uyğunlaşdırılması məqsədilə belə müzakirələrin davamlı olaraq təşkilinin vacibliyi vurğulanıb.