Dövlət Sərhəd Xidməti ilə Türkiyə Quru Qoşunları arasında əlaqələr genişlənir

Azərbaycanın Dövlət Sərhəd Xidmətinin rəisi, general-polkovnik Elçin Quliyev Türkiyə Quru Qoşunları komandanı, ordu generalı Ərdal Ceylanoğlunun rəhbərlik etdiyi nümayəndə heyətini qəbul edib. Dövlət Sərhəd Xidmətindən SİA-ya verilən məlumata görə, Dövlət Sərhəd Xidmətinin Aparatında baş tutan görüş zamanı qonaqlara Azərbaycan sərhəd təhlükəsizliyi sisteminin təşkili, əməliyyat şəraiti və mövcud təhdidlər, o cümlədən Ermənistanın işğalı nəticəsində nəzarətdən kənarda qalmış Azərbaycan sərhədlərindən qeyri-qanuni məqsədlərlə istifadə edilməsi barədə məlumat verilib. Həmçinin, qarşılıqlı anlaşma şəraitində keçən görüşdə sərhəd təhlükəsizliyi sahəsində ikitərəfli əlaqələrin səviyyəsi yüksək qiymətləndirilib, gələcək hərbi əməkdaşlığın bəziyyəti və perspektivləri müzakirə olunub.