"Dağlıq Qarabağda keçirilən "seçkilər" separatçı rejimin ömrünün uzadılmasına xidmət göstərir"

"Dağlıq Qarabağda keçirilən "seçkilər" separatçı rejimin ömrünün uzadılmasına xidmət göstərir". Bu barədə jurnalistlərə açıqlamasında Azərbaycan Prezident Administrasiyasının İctimai-siyasi məsələlər şöbəsinin müdiri Əli Həsənov bildirib. Onun sözlərinə görə, həmin seçkilər ermənilərin qeyri-qanuni fəaliyyətinə qanuni don geyindirməsinə xidmət göstərir.
"Nə qədər ki, Dağlıq Qarabağda Azərbaycan və Ermənistanın razılığı ilə ümumi bir hüquqi status razılmaşdırılmayıb, saziş imzalanmayıb, əhali yerinə qaytarılmayıb ordakı seçkilər qanuni hesab oluna bilməz", - deyə Əli Həsənov bildirib.
İctimai-siyasi məsələlər şöbəsinin müdiri hesab edir ki, istənilən halda əhalinin yarısı didərgin, qaçqın-köçkün vəziyyətində olduğu bir bölgədə seçki keçirmək mümkün deyil.