Azərbaycanın birinci xanımı  Mehriban Əliyevanın İtaliyaya səfəri barədə “Roma xronikalari”         qəzetində məqalə dərc olunub

İtaliyanın nüfuzlu "Roma xronikaları" qəzetinin 2 dekabr tarixli nömrəsində Azərbaycanın birinci xanımı Mehriban Əliyevanın İtaliyaya səfəri və ölkənin baş nazirinin xanımı Elza Monti ilə görüşü barədə məqalə dərc olunub. AzərTAC-ın məlumatına görə, məqalədə qeyd olunur ki, ölkəsinin müstəqilliyinin bərpasının 20-ci ildönümünün təbliği məqsədi ilə İtaliyada səfərdə olan Azərbaycanın birinci xanımı Mehriban Əliyeva Elza Monti ilə görüşmüş, təhsil sahəsində əhəmiyyətli danışıqlar aparıb. Qəzet dekabrın 2-də axşam Romanın opera binasında keçiriləcək tədbir ilə də bağlı məlumat verib, onun maraqlı proqramla yaddaşlarda uzun müddət qalacağını vurğulaıb. Qeyd olunub ki, tədbirdə Elza Montinin də iştirakı gözlənilir.