Siyasət

  • 6 427

ŞKTC-nin quruluşunun 37-ci ildönümünü silsilə tədbirlərlə qeyd edəcək

image

Şimali Kipr Türk Cümhuriyyəti (KKTC) quruluşunun 37-ci ildönümünü müxtəlif tədbirlərlə qeyd etməyə hazırlaşır. SİA xəbər verir ki, 15 Noyabr Respublika Günü proqramı noyabrın 14-də - şənbə günü saat 12: 00-da Bayrak Radio və Televiziyasından Prezident Ersin Tatarın təbrik çıxışı və 21 parçalı top atəşi ilə başlayacaq.Həmin gün saat 15: 00-da Kipr Türk azadlıq mübarizəsinin lideri Dr. Fazıl Kiçikin məqbərəsi önündə anım törəni keçiriləcək. Mərasim Prezident Ersin Tatarın abidə önünə çələng qoyması, sükut anı, Türk İstiqlal Marşı ilə müşayiət olunan bayraqların qaldırılması ilə başlayaraq, Prezident tərəfindən Xüsusi Abidə Kitabının imzalanması ilə başa çatacaq.Xəbərə görə, qurucu Prezident Raif Denktaşın məqbərəsi önündəki mərasim inşaat səbəbilə eyni gündə saat 15:30-da TMT Abidəsində keçiriləcək. Mərasim Prezident Ersin Tatarın abidəyə çələng qoyması, bayraqların qaldırılması, bir dəqiqəlik sükut və Türkiyə İstiqlal Marşı ilə müşayiət olunacaq, Xüsusi Xatirə Kitabının imzalanması ilə başa çatacaq.Xüsusilə qeyd olunur ki, bu il keçiriləcək mərasim və tədbirlərdə KKTC Nazirlər Kabinetinin qərarı ilə "Təhlükəli Yoluxucu Xəstəlik" elan etdiyi Corona Virusu (COVID-19) tədbirləri çərçivəsində sosial məsafə və maska taxma qaydalarına riayət etmək məcburi olacaq.Eyni zamanda, Lefkoşa Atatürk Abidəsindəki mərasim 15 noyabr - bazar günü saat 12.00-da Lefkoşa Dr. Fazıl Kiçik Bulvarında rəsmi keçidlə başlayacaq.Lefkoşa Şəhidlər Abidəsindəki yerli mərasim saat 08: 00-da başlayacaq. Mərasimdə abidəyə çələnglər qoyulacaq, bir dəqiqəlik sayğı duruşu keçiriləcək, Türkiyə İstiqlal Marşının sədaları altında bayraqlar qaldırılacaq və xüsusi xatirə kitabı imzalanacaq.15 Noyabr Respublika Günü münasibətilə bir sıra digər tədbirlərin də keçiriləcəyi bildirilir.Bayramın mübarək, “Yavru Vətən”! Müstəqilliyin əbədi, bayrağın ucalarda olsun!

sia.az

Digər xəbərlər