Xınalığa aid layihə hazırda nəzərdə tutulan 22 layihədən biridir

Xınalığa aid layihə hazırda nəzərdə tutulan 22 layihədən biridir. Digər 21 obyekt üzrə də işlər görülür ki, onların arasında icra, layihələndirmə, ekspertiza və tender mərhələsində olan işlər var. Şəkidə hazırda ikinci mərhələnin tamamlama işləri gedir və bu yaxınlarda onu təhvil verməyə hazırlaşırıq. SİA xəbər verir ki, bu sözləri jurnalistlərə açıqlamasında Dövlət Turizm Agentliyinin baş memarı Nizami Qasımov söyləyib.

O bildirib ki, Agentliyin Qarabağda da layihələri var: "Ümumilikdə həyata keçirilən layihələrə muzeylər, inzibati binalar, turizm infrastruktur layihələri daxildir. Yəni, spesifika qarışıqdır. Tuğda biz turizm infrastrukturu inşa edirik, amma Şəkidə muzey və yaxud şəbəkə emalatxanası yenidən bərpa olunur".