Rus musiqiçisi borca görə axtarışa verilib

Rus musiqiçisi, "Nogu Svolo!" Rok qrupunun lideri Maksim Pokrovski və ailəsi Federal Vergi Xidmətinə 400 min rubldan çox borcuna görə axtarışa verilib. SİA-nın əldə etdiyi məlumata görə, bu barədə Şot Telegram-da yazılıb.

Nəşrin məlumatına görə, vergi orqanları ailənin 436 min rubl məbləğində borcuna görə Pokrovski, onun həyat yoldaşı və oğlunu axtarır.

Qeyd olunur ki, Pokrovskilər ailəsi bir neçə aydır ki, hesabı ödəmir. Rok qrupunun solisti İlyanın oğlu Federal Vergi Xidmətinə 206 min rubl və məhkəmə icraçılarına beş min rubl, həyat yoldaşı Tatyana isə demək olar ki, 45 min rubl borcludur.

Musiqiçinin özünün borcu 180 min rubl təşkil edir.

Qeyd edək ki, Pokrovski 2023-cü ilin martında xarici agentlərin reyestrinə daxil edilib. Ədliyyə Nazirliyindən verilən məlumata görə, musiqiçi açıq şəkildə Ukraynanı dəstəkləyib, həmçinin xarici strukturlarla fəal əlaqədə olub, Rusiya Federasiyası vətəndaşlarına qarşı mənfi fikirlər səsləndirib və Kiyevə dəstək üçün vəsaitin toplanmasında iştirak edib.

Nazlı Almuradova