Müxalifətin mitinqi uğursuzluğa məhkumdur

Vurğun Əyyubov:

Ey "İP", bir faydana çıxaracağıq,

Min lənət şeytana, çıxaracağıq,

Yüz mini meydana çıxaracağıq,

Kütlə küçələrə axışar dərhal.

Tahir Kərimli:

Yeridin bir qədər həzin taktika,

"İP"-in taktikası dizin taktika,

Qazansaydı uğur sizin taktika,

Qayıdardı geri əvvəlki şər hal.

Vurğun Əyyubov:

Mitinqçün hazırdı bizlərdə dərman,

Deşib gözümüzü nataraz şirman,

Vermiş Qorbaçovun qətlinə fərman,

İştirakın ilə qocaman Basqal.

Tahir Kərimli:

Yerində oturdar zaman, çaşsanız,

Çoxalıb bir qədər coşub-daşsanız,

Əgər həddinizi azca aşsanız,

Yatacaq yeriniz olacaq vağzal.

Vurğun Əyyubov:

Qərbdən çoxlu bosslar biz ararıq ki,

Seli arxamıza apararıq ki,

O qədər gurultu qopararıq ki,

Bizim mitinqlərə yığışar mahal.

Tahir Kərimli:

Daim aksiyanla gəzə bilməzsən,

Narıncı geyimi təzə bilməzsən,

Kütlə təzyiqinə dözə bilməzsən,

Apara bilməzsən, ağırdı çuval.

Vurğun Əyyubov:

Aksiya bizimçün nisgilli yükmü?

Kütləyə içirə biləcəyikmi?

Biz mitinq keçirə biləcəyikmi?

Qəlbimin başından asılıb sual.

Tahir Kərimli:

Keçmişin şirəsi qalıb dişində,

Müəmmalar çoxdu mitinq işində,

"Uşaqdan-böyüyə" verilişində,

Oturdar yerində sizləri Nəval.

Vurğun Əyyubov:

Hər kəs öz yükünü bir özü çəkər,

Bizim üstümüzə yeriyir təkər,

Mitinqdə ciddi iş görməsək əgər,

İfrat boyunlarda çalacaq babal.

Tahir Kərimli:

Uduzar gedənlər məbuda doğru,

Götürrəm sürəti sübuta doğru,

Aksiya yönəlsə süquta doğru,

Meydanda mən özüm qalacam qaval.

Vurğun Əyyubov:

Zəif olsaz belə biz bir ceyilik,

Müxalifətdə, biz nadir deyilik,

Bilirik yürüşə qadir deyilik,

Boşalar mitinqlə yüklənmiş xaral.

Tahir Kərimli:

Yüngülsüz getdiniz ağıra doğru,

Yolunuz daralar cığıra doğru,

Gedə bilməzsiniz uğura doğru,

Sizin nəsibiniz olar dərd-məlal.

Vurğun Əyyubov:

Kütlələr bizlərdən rəncidə qaldı,

Nəzarət altında "Beşlər", həm "Altı",

Laləni, Əvəzi etdik gözaltı,

Son anda bizlərə qoşular İqbal.

Tahir Kərimli:

Elə bildiniz ki, siz açarsınız,

Sizi ələ verdi daim carçınız,

Həmişə kütlədən gen qaçarsınız,

Necə ki, pələngdən dağlarda maral.

Vurğun Əyyubov:

Son anda yan qaçdı bizlərdən Əvəz,

İndi ifratlarda təngiyər nəfəs,

Bizdə azalıbdı, mitinqə həvəs,

Necə ki, azalıb Urmiya, Aral.

Tahir Kərimli:

Ola bilmədiniz heç üstün belə,

Qoyulmaz heç yerdə tərs büstün belə,

Yoxdu sıranızda bir Aygün belə,

Nə kömək göstərər bir-iki Tural?

Vurğun Əyyubov:

Qərbdə bəyənmədin xan plovu sən,

Kürsüdə buraxdın tam cilovu sən,

Söz verdin, yenmədin Qorbaçovu sən,

İndi dağa gedib Basqalda qaral.

Tahir Kərimli:

İsanız, Əliniz bihuşdu mənə,

Sizdəki bədbinlik xuruşdu mənə,

Gedib qaralaram, bu, xoşdu mənə,

Sən isə xiffətdən, dərddən sol, saral.

Vurğun Əyyubov:

Əsəbdən hamımız olmuşuq şəkər,

Bu dərdi İsa da, Əli də çəkər,

Get-gedə süquta uğrasaq əgər,

Qərargah yerimiz olacaq Ural.

Tahir Kərimli:

İndi ayaqüstü yeyirsiz xama,

Dəvət etmir sizi bosslar da şama,

İsa valet oldu, Əli də dama,

Sizin içinizdən çıxmadı kral.

Vurğun Əyyubov:

Gəldi radikallıq bizə baha çox,

Küçədə-meydanda cırdıq yaxa çox,

"Yeni Müsavat"dan vallah, daha çox,

Bizi yazısında vəsf edir "Xural".

Tahir Kərimli:

Qaçın nə qədər ki, əldə yox paya,

Mitinqə gedirik üzümüz yaya,

Girib şəhərdə çox diskotekaya,

Rəqs edin qızlarla orada oral.

MİRZƏ QƏRƏNFİL