Azərbaycan ilə Rusiya arasında əlaqələr dinamik inkişaf edir

Ölkəmizə rəsmi səfəri çərçivəsində Rusiya Federasiyası Dövlət Dumasının sədri Sergey Narışkin iyulun 9-da Azərbaycan Prezidenti Administrasiyasının rəhbəri, akademik Ramiz Mehdiyev ilə görüşmüşdür.

AzərTAc xəbər verir ki, görüşdə Azərbaycan ilə Rusiya arasında münasibətlərin dinamik inkişaf etdiyi qeyd olunaraq müxtəlif istiqamətlərdə əlaqələr yüksək qiymətləndirilmişdir. Siyasi, iqtisadi, mədəni sahələrdə əməkdaşlığın perspektivləri müzakirə olunmuşdur.

Humanitar sahədə keçirilən tədbirlərin mühüm əhəmiyyətinin vurğulandığı görüşdə qarşılıqlı maraq doğuran bir sıra məsələlərə dair geniş fikir mübadiləsi aparılmışdır.