ÜTT üzrə Danışıqlar Qrupunun üzvlərindən ibarət nümayəndə heyəti Cenevrəyə səfərə edəcək

İyunun 3-7-də Azərbaycan Respublikasının Ümumdünya Ticarət Təşkilatı (ÜTT) üzrə Danışıqlar Qrupunun üzvlərindən ibarət nümayəndə heyəti Cenevrə şəhərinə səfərə gedəcək. XİN-in mətbuat xidmətindən SİA-ya verilən məlumata görə, nümayəndə heyətinə xarici işlər nazirinin müavini Mahmud Məmmədquliyev başçılıq edəcək.

Səfər zamanı Azərbaycan Respublikasının ÜTT-yə üzvlüyü prosesi çərçivəsində kənd təsərrüfatına daxili dəstək üzrə "Carins Group"un üzvəri ilə görüşlərin keçirilməsi, BMT-nin Ticarət və İnkişaf üzrə Konfransı (UNCTAD) ilə məsləhətləşmələrin aparılması nəzərdə tutulub. Honduras, Çinin Tayvan əyaləti, Koreya Respublikası və Hindistanla mal və xidmətlər üzrə ikitərəfli danışıqların keçirilməsi də planlaşdırılıb.

sia.az