Masallıda 38 kilometrlik yola asfalt döşənir

Rayonumuzda avtomobil yollarının asfaltlanması işləri uğurla davam etdirilir. Bu yollardan biri də Mollahəsənli, Ləngan, Əhmədli, Təklə, Köçəkli, Bala Təklə, Şərəfə, Öncəqala, Hüseynhacılı, Viləş, Xallıcallı, Dəlləkli və Qədirli kəndlərindən keçən əsas yoldur.

38 kilmetrlik yolun əsas hissəsi təmir olunmuş, hazırda yolda təmir və asfaltlanma işləri davam etdirilir.

Masallı Rayon İcra Hakimiyyətinin başçısı Araz Əhmədov yolda gedən təmir işləri ilə yaxından tanış olmuş, asfaltlanma işləri aparılan ərazilərin sakinləri ilə görüşmüş və qayğıları ilə maraqlanmışdır. İşin icrası 46 və 47 saylı yol istismarı idarələri tərəfindən yerinə yetirilir.

Kənd sakinləri Prezident cənab İlham Əliyevə, rayon rəhbərinə minnətdarlıq bildirirlər.

ƏLİHÜSEYN ŞÜKÜROV