"Qırmızı Kitab"ın III nəşri üzrə işlərə 2019-cu ildən başlamışıq" - QURUM RƏSMİSİ DANIŞDI

"Qırmızı Kitab"ın I nəşri 1989-cu ildə çapdan çıxıb. Bu kitabda 140 bitki, 108 heyvan növü cəmlənib. Qəbul olunmuş qaydalara görə, "Qırmızı Kitab" hər on ildən bir çap olunmalıdır. Uzun fasilədən sonra 2013-cü ildə "Qırmızı Kitab"ın II nəşri çapdan çıxdı". SİA xəbər verir ki, bu sözləri AMEA-nın vitse-prezidenti İradə Hüseynova jurnalistlərə açıqlamasında deyib.O bildirib ki, bu kitabda 266 bitki, 233 heyvan növü cəmləndi: "Qırmızı Kitab"ın III nəşri üzrə işlərə biz 2019-cu ildən başlamışıq. 2020-ci ilin yanvar ayında III nəşrin redaksiya heyətinin hazırlanması ilə bağlı fəaliyyətlər həyata keçirildi. Redaksiya heyətinə istər Azərbaycanda flora və fauna sahəsində ən aparıcı, görkəmli alimlər daxil edildi. Növbəti mərhələdə artıq fəaliyyət proqramlarımızı təşkil etdik və işlər başladı. Əfsuslar olsun ki, bu nəşrin əsas işləri pandemiya dövrünə təsadüf etdi. Amma yenə də alimlərimiz var qüvvəsi ilə fəaliyyət göstərdilər. Yay-qış demədən proseslər həyata keçirildi və nəhayət ki, nəşrimiz baş tutdu".

Müəllif: Ləman Əlizadə