Qızıl qiymətlərində artım olub

ABŞ və İran arasındakı gərginlik pik həddinə çatdığına görə, qızıl qiymətlərində sürətli bir yüksəliş olub. SİA-nın xarici KİV-lərə istinadən verdiyi xəbərə görə, ABŞ və İran arasındakı gərginlik artması səbəbindən qızılın qiymətləri 51,83 dollara qədər artıb.İran ABŞ-ın İraqdakı iki bazasına raket zərbəsi endirib. ABŞ və İraqın verdiyi açıqlamada insan itkisinin olmadığı bildirilib. Ancaq bu vəziyyət, gərginliyin daha da artması və ABŞ-ın reaksiya vermə ehtimalı bazarlarda narahatlığa səbəb olub. Neftin qiyməti isə 71 dollara qədər yüksəlib daha sonra yenidən 70 dollardan aşağı düşüb. Dollar və avronun məzənnəsində hər hansı bir dəyişiklik olmayıb.

sia.az